कालिबाबा नेपाल आइपुगे, भोलिबाट बनकालीमा महायज्ञ सुरू हुँदै

काठमाडौं। श्री १००८ महामण्डलेश्वर स्वामी कालीदास (कालिबाबा) नेपाल आएका छन्। साउन १४ गते बुधबार (भोलि)देखि २४ गतेसम्म हुने श्री दशममहाविद्या रूद्रहवन महायज्ञका लागि कालिबाबा नेपाल आइपुगेका हुन्। उनी पशुपतिको बनकालीमा बसेका छन्। कालिबाबालाई स्वामी गोकुलानन्दले स्वगात गरेर हंसमण्डपमा पुऱ्याए।

सिद्ध योगी अन्तर्राष्ट्रिय संतयज्ञ सम्राट महाडलेश्वर कालिदासजी महाराजको उपस्थितिमा विशाल महायज्ञ हुन गइरहेको महायज्ञ मूल समारोह समितिले जनाएको छ। त्यसका लागि आवश्यक तयारी भइरहेको समितिको भनाइ छ। हंसमण्डप, बनकाली, देवपत्तनमा उक्त महायज्ञको आयोजना हुन लागेको दशममहाविद्या रूद्रहवन महायज्ञ मूल समारोह समितिका संयोजक अशोक गौतमले जानकारी दिए।

साउन १४ गते (भोलि) बिहान ७ बजे मैतीदेवी मन्दिरबाट कलशयात्रा सुरू हुने समितिले जनाएको छ।