राप्ती प्रतिष्ठान र गंगालाल अस्पातलबीच मुटु रोग उपचारमा सहकार्य
काठमाडौं। राप्ती स्वास्थ्य विज्ञान प्रतिष्ठान र शहीद गंगालाल राष्ट्रिय हृदय केन्द्रबीच मुटु रोग उपचारमा सहकार्य हुने भएको छ। प्रतिष्ठानका रजिष्ट्रार प्रा. डा. श्याम लम्साल र केन्द्रका निर्देशक डा. रवि मल्लबीच मुटु रोग उपचारमा सहकार्य गर्ने सम्झौतामा हस्ताक्षर भएको हो।
राप्ती प्रतिष्ठानले शहीद गंगालाल राष्ट्रिय हृदय केन्द्रलाई रिफरल सेन्टर बनाउने भएको छ। राप्ती प्रतिष्ठानका विद्यार्थी/प्रशिक्षार्थीहरू शहीद गंगालाल राष्ट्रिय हृदय केन्द्रमा अभ्यासका लागि उपस्थित हुने सम्झौतामा उल्लेख छ।
सम्झौतामा राप्ती प्रतिष्ठानका विद्यार्थीले शहीद गंगालाल राष्ट्रिय हृदय केन्द्रमा अधिकतम ६ महिनाका लागि प्रयोगात्मक अभ्यास गर्न सक्ने र त्यसबापत लाग्ने शुल्क प्रतिष्ठानले बुझाउने भनिएको छ।
तपाईको प्रतिक्रिया दिनुहोस