पर्यटन सचिव मैनाली र कोषका निमित्त सदस्यसचिव जोशीको मिलेमतोम पार्किङमा अनियमितता गरेको आरोप

काठमाडौं। पर्यटन सचिव हरिप्रसाद मैनाली र पशुपति क्षेत्र विकास कोष निमित्त सदस्यसचिव सुभाषचन्द्र जोशी मिलेर भण्डारखालको पार्किङमा अनियमितता गरेको आरोप लागेको छ। कोषलाई हानिनोक्सानी हुने गरी लोकल मिलाउने नाममा उक्त पार्किङ अनधिकृत व्यक्तिहरूलाई दिएको आरोप लागेको हो। उक्त विषयमा अहिले अख्तियार दुरूपयोग अनुसन्धान आयोगमा समेत उजुरी परेको छ।

कोषका निमित्त सदस्यसचिव भएपछि जोशीले मौखिक रूपमा उक्त पार्किङमा पैसा उठाउन सहमति दिएका थिए। मासिक २ लाख आम्दानी हुने उक्त ठाउँमा लोकल मिलाउने नाममा अनधिकृत व्यक्तिलाई पार्किङ चलाउन दिइएको छ। पर्यटन सचिव मैनालीसँग सल्लाह गरेर उक्त पार्किङ गरिखान दिएको निमित्त सदस्यसचिव जोशीले निकटस्थहरूलाई बताउने गरेका छन्। उक्त कुरा सामान्य भएको जोशीले जिकिर गर्दै आएका छन्।

पर्यटन सचिव मैनाली र जोशीले आफ्नो ‘बाउ’को निजी सम्पत्ति जस्तो गरेर कोषको जग्गामा मनोमानी गर्न थालेका हुन्। कोषको जग्गामा सामान्य कुरा भन्दै पार्किङ सञ्चालन गर्न दिएका छन्।

राज्यको सम्पत्तिमाथि मनपरी गर्ने मैनाली र जोशीमाथि कारबाही हुनुपर्ने ‘जेन-जी’हरूको माग छ। कमिसनको चक्करमा उनीहरूले पार्किङ सञ्चालन गर्न दिएको आरोप लागेको छ। मैनाली र जोशीले कोषको सम्पत्ति अनधिकृत व्यक्तिहरूलाई दिएर मनोमानी गरिरहेका छन्। उक्त विषय अख्तियारमा पुगेसँगै मैनाली र जोशीको पोल खुलेको हो। उक्त पार्किङको विषयमा ‘जेन-जी’ सरकारले तत्काल छानबिन गरेर अख्तियारको दुरुपयोग गर्नेलाई कारबाही दायरामा ल्याउन जरूरी छ।