भारत । भारतको उत्तर प्रदेशमा १० दिनको अवधिमा १ सय ३० जनाको हृदयघातका कारण मृत्यु भएको छ ।
उत्तर प्रदेशको कानपुरमा मुटुसम्बन्धी समस्या लिएर अस्पताल आउने अधिकांश बिरामीको मुटुमा रगतको ढिक्का बन्ने, रक्तचाप अकस्मात बढ्ने, हृदयघात र ब्रेन स्ट्रोक जस्ता समस्या देखिन थालेको चिकित्सकहरूले बताएका छन् ।
केजीएमयूका मुटुरोग विशेषज्ञ प्रा.डा.अक्षय प्रधानका अनुसार यसपटकको चिसोमा हृदयघात वृद्धवृद्धामा मात्रै नभई विभिन्न उमेर समूहका व्यक्तिहरूमा देखिन थालेको छ । जुन चिन्ताको विषय हो । त्यसकारण सकेसम्म घरमै बस्नुहोला ।
कानपुर जिल्लाको सबैभन्दा ठूलो हृदयरोग अस्पताल कार्डियोलोजीमा चिसोयाममा दैनिक एक हजारदेखि १५ सयसम्म बिरामी उपचारका लागि आउने गरेका छन् ।
उत्तर प्रदेश सरकारका अनुसार पछिल्लो ९ दिनमा मात्रै कानपुरमा १ सय ३१ जनाको हृदयघात वा मुटुमा रगतको ढिक्का बनेर मृत्यु भएको छ ।
भारतमा यसपटकको हिउँदमा उत्तरप्रदेश, पञ्जाब, दिल्ली लगायत उत्तरभारत लगायतका क्षेत्रमा जनजीवन अत्यधिक प्रभावित बनेको छ ।
तपाईको प्रतिक्रिया दिनुहोस