कोभिड विश्वव्यापी स्वास्थ्य आपतकाल समाप्त

काठमाडौं । विश्व स्वास्थ्य सङ्गठन डब्लूएचओ काेभिड-१९ महामारीको अन्त्य भएको घाेषणा गरेकाे छ । एक पत्रकार सम्मेलन गर्दै उसले लामाे समय सम्म रहेकाे काेभिडकाे विश्वव्यापी स्वास्थ्य आपतकाल समाप्त भएको घाेषणा गरेकाे हाे ।

” हिजाे, आपतकालीन समितिले १५ औं पटक बैठक गर्यो र मलाई अन्तर्राष्ट्रिय चासोको जनस्वास्थ्य आपतकालको अन्त्यको घोषणा गर्न सिफारिस गर्यो। मैले त्यो सल्लाह स्वीकार गरेको छु। त्यसैले यो ठूलो आशाका साथ म कोभिड-१९ घोषणा गर्छु। विश्वव्यापी स्वास्थ्य आपतकालिन, “डा टेड्रोसले भने।

विश्व स्वास्थ्य संगठनका अनुसार अब कोभिड-१९ ले “विश्वव्यापी स्वास्थ्य आपतकाल” को प्रतिनिधित्व गर्दैन। सम्भवत विश्वमा पहिलो पटक भाइरसमा यस्ताे उच्च स्तरको सतर्कता अपनाईएकाे थियाे । आपतकालीन घाेषणाकाे तीन वर्ष पछि अन्त्य भएको छ । तर, हाल काेभिड भने बढिरहेको छ ।

अधिकारीहरूले बताए अनुसार भाइरसको मृत्यु दर जनवरी २०२१ मा प्रति हप्ता एक लाख भन्दा बढी र २४ अप्रिलमा ३५ सयमा झरेको थियो। डब्ल्यूएचओका प्रमुखले महामारीमा कम्तिमा ७० लाख मानिसको ज्यान गएको बताए ।

विश्व स्वास्थ्य संगठनले पहिलो पटक जनवरी २०२० मा अन्तर्राष्ट्रिय चिन्ताको विषय भन्दै स्वास्थ्य आपतकाल घोषणा गरेकाे थियाे ।