काठमाडौं महानगरभरि शनिबार विशेष सरसफाई कार्यक्रम
काठमाडौं । शनिबार काठमाडौं महानगरभरि विशेष सरसफाई कार्यक्रम सञ्चालन हुने भएको छ । मेयर बालेन शाहसहितका काठमाडौं महानगरपालिका जनप्रतिनिधिहरूको पद बहाली भएको एक वर्ष पुगेको अवसरमा काठमाडौं महानगरभरि शनिबार विशेष सरसफाई कार्यक्रम सञ्चालन कार्यक्रम राखिएको हो ।
मेयर शाहका अनुसार काठमाडौं महानगरपालिका प्रत्येक वडा तहमा विशेष सरसफाई कार्यक्रम आयोजना गरिएको हो ।
विशेष सरसफाई कार्यक्रम शनिबार बिहान ७ बजेदेखि १० बजेसम्म सञ्चालन हुने छ । विशेष सरसफाई कार्यक्रममा वडाका सम्पूर्ण जनप्रतिनधिहरु तथा कर्मचारीहरुसहित वडाका सबै सरोकारवालाहरु समेतको अधिकतम सहभागिता गराई कार्यक्रम प्रभावकारी रुपमा सम्पन्न गर्न समेत मेयर शाहले अनुरोध गरेका छन् ।
क्याटेगोरी : समाचारट्याग : #काठमाडौं महानगरपालिका, #काठमाडौं महानगरपालिका प्रमुख बालेन्द्र शाह, #विशेष सरसफाई अभियान
तपाईको प्रतिक्रिया दिनुहोस