नयाँ बजारको फार्मेसी लुट्ने ८ जना लुटेरा प्रहरीको फन्दामा

स्वास्थ्य लाइभ शुक्रवार, २०७८ फागुन २० गते १५:१२ मा प्रकाशित

A+
A
A-

काठमाडौं । काठमाडौंको नयाँबजारस्थित समृद्ध फार्मेसीमा लुटपाट गर्ने ८ जना लुटेरा महानगरीय अपराध महाशाखाको फन्दामा परेका छन् । गत फागुन १२ गते समयमा का.जि.का.म.न.पा. वडा नं १६ नँयाबजारस्थित समृद्ध फार्मेसीका संचालक राजेन्द्र साँकीलाई आफूहरु प्रहरी हो भन्दै लुटपाट गर्ने लुटेरा समूहलाई प्रहरीले पक्राउ गरेको हो ।

महानगरी प्रहरी अपराध महाशाखाकाअनुसार देवीप्रसाद धिताल शंकर रेग्मी, हिक्मत महतालगायत ८ जना लुटेरा पक्राउ परेका हुन् ।

‘नँयाबजार स्थित समृद्ध फार्मेसीका संचालक राजेन्द्र साँकीलाई हामी प्रहरी हौं, तपाईँको पसलमा अबैध औषधी बिक्रीबितरण गर्ने गरेको रहेछ भन्ने सुचना आएकाले हामी खानतलासी गर्न आएका हौं भनि पसल संचालकलाई नियन्त्रणमा लिई लुटपाट गरेको पाइएको छ ।’, महानगरीय अपराध महाशाखाले भनेको छ ।

फार्मेसी पसलको काउन्टरमा भएको नगद, साथमा रहेको सामसुङ मोबाइल थान १, साथमा लगाएको घडी थान १, पसल संचालकको ग्लोबल आइएमई बैंकको खाताबाट ई-सेवामा पठाएको नगद १० हजार रुपैयाँ कुमारी बैंक लि. को खाताबाट ई-सेवामा पठाएको नगद १७ सय रुपैयाँ लुटेर उक्त लुटेर समूहले लगेको महाशाखाले खुलाएको छ । त्यस्तै स्टार सेभिङ एण्ड क्रेडिट को-अपरेटिभ लि. को खातामा रहेको नगद रू. ३५००।– समेत गरी जम्मा रु.६५,०००।- जबर्जस्ती लुटपाट गर्ने कार्यमा संलग्न रहेका निम्न मानिसहरुलाई जबर्जस्ती चोरी गरि लगेका सामान सहित पक्राउ गरिएको ।