काठमाडौं । मार्क इन्टरनेशनल किडनी सेन्टरले आजदेखि २ दिने निःशुल्क मिर्गौला परीक्षण गर्ने भएको छ ।
विश्व मिर्गौला दिवसको अवसरमा सेन्टरले बिहान १० बजेदेखि साँझ ५ बजेसम्म मिर्गौला परीक्षण गर्ने समय तोकेको छ ।
सेन्टरको कार्यालय सरकारी धारा चोक, लाजिम्पाटमा सेवा लिन चाहने व्यक्तिले निःशुल्क मिर्गौला परीक्षण गराउन सक्ने बताएको छ ।
यस्तै सेन्टरले पर्सि २७ गते निःशुल्क वृहत्त स्वास्थ्य परीक्षण एवं रक्तदान कार्यक्रमको पनि आयोजना गर्ने भएको छ ।
नक्सालस्थित नारायण चौरमा बिहान ८ बजेदेखि अपरान्ह २ बजेसम्म कार्यक्रम हुनेछ ।
यसअघि बिहीवार विश्व मिर्गौला दिवसको अवसरमा सेन्टरले वाक ओ थनको आयोजना गरेको थियो ।
तपाईको प्रतिक्रिया दिनुहोस