बालेन सरकारले एक्सन लिएपछि अनधिकृत रूपमा प्रयोग भइरहेका ६२२ गाडी भए फिर्ता

काठमाडौं। बालेन सरकारले एक्सन लिएपछि अनधिकृत रूपमा प्रयोग भइरहेको ६२२ गाडी फिर्ता भएका छन्।प्रधानमन्त्री तथा मन्त्रिपरिषद्को कार्यालयले प्रचलित कानुनविपरीत पहुँचका भरमा सरकारी सवारी साधनको सुविधा लिइरहेका कर्मचारी तथा पदाधिकारीहरूबाट सवारी साधन फिर्ता लिने प्रक्रिया सुरु गरेको हो।

प्रधानमन्त्री तथा मन्त्रिपरिषद्को कार्यालयले अहिलेसम्म विभिन्न मन्त्रालय, त्यसअन्तर्गतका निकाय र संवैधानिक आयोगहरूबाट ६२२ वटा सरकारी सवारी साधन फिर्ता लिइसकेको छ।

प्रधानमन्त्रीको सचिवालयले गरेको प्रारम्भिक अनुसन्धानमा राजपत्रांकित प्रथम श्रेणी वा सोभन्दा माथिका पदाधिकारीले मात्र सरकारी सवारी साधनको सुविधा पाउने कानुनी व्यवस्था भए तापनि त्योभन्दा तल्लो तहका कर्मचारी तथा पदाधिकारीहरूले समेत व्यापक रूपमा चारपाङ्ग्रे सरकारी सवारी साधन प्रयोग गरिरहेको तथ्य फेला परेको थियो। त्यसलगत्तै बालेन सरकारले एक्सन लिएपछि ६२२ गाडी फिर्ता भएका हुन्। अझै पहुँचवाला कर्मचारीले गाडी दुरूपयोग गरिरहेका छन्।