काठमाडौं । महानगरपालिकाले काठमाडौंका स्कुलमै बालबालिकालाई कोभिड १९ विरुद्धको फाइजर बुस्टर डोज खोप दिने भएको छ ।
काठमाडौं महानगरपालिका वडा नम्बर २९ का वडा सदस्य सन्तोष ढुंगेलका अनुसार १२ वर्षदेखि १८ वर्षमुनिका बालबालिकालाई फाइजर बुस्टर डोज दिन लागिएको हो । साउन २४ देखि साउन ३० गतेसम्म वडा नम्बर २९ विभिन्न स्कुलहरुमा कोभिड १९ विरुद्धको फाइजर बुस्टर डोज खोप दिन लागिएको हो ।
साउन २३ गते पद्यकन्या मा.वि. डिल्लीबजार, विजय मेमोरियल स्कुल डिल्लीबजार र राइनिङ रेज स्कुल, न्यूप्लाजामा कोभिड १९ विरुद्धको फाइजर बुस्टर डोज खोप लगाउने कार्यतालिका छ ।
साउन २४ गते द स्पाङगल बोर्डिङ स्कुल न्यूप्लाजा, एसपोडेल स्कुल, कालिकास्थान र सूर्योदय आवसीय मा. वि. घट्टेकुलोमा बालबालिकालाई फाइजर खोप दिने कार्यक्रम छ ।
त्रिवेणी एकेडेमी, मैतिदेवी, अक्षर एकेडेमी कालिन्चोक मार्ग र सगरमाथा कलेज डिल्लीबजारमा साउन २५ गते कोभिड १९ विरुद्धको फाइजर बुस्टर डोज खोप दिन कार्यक्रम छ ।
साउन २६ गते एसियन पब्लिक स्कुल, अनामनगर, मैतिदेवी बोर्डिङ स्कुल, घट्टेकुलो र मेघा स्कुल, अनामनगरमा कोभिड १९ विरुद्धको फाइजर बुस्टर डोज खोप दिने कार्यतालिका रहेको छ । त्यस्तै अक्सिडेन्टल पब्लिक स्कुल, अनामनगरमा साउन २९ र ट्रिनिटी कलेज, डिल्लीबजारमा साउन ३० गते कोभिड १९ विरुद्धको फाइजर बुस्टर डोज खोप दिने कार्यक्रम रहेको छ ।
क्याटेगोरी : समाचार
तपाईको प्रतिक्रिया दिनुहोस