सहसचिवको लिखितमा नाम निकालेका उपसचिवहरू

काठमाडौं। प्रशासन सेवाको राजपत्राङ्कित प्रथम श्रेणी(सहसचिव)को लिखित परीक्षामा १० उपसचिवले नाम निकालेका छन्। आन्तरिक प्रतिस्पर्धामा १० उपसचिवले सहसचिवमा नाम निकाल्न सफल भएका हुन्।

७ जना मागिएको आन्तरिक प्रतिस्पर्धामा १० जना लिखितमा उत्तीर्ण भएका हुन्। १० मध्ये ३ जना मामिला प्रस्तुतिकरण र अन्तर्वार्तापछि बाहिरिने छन्। ७ भाग्यमानी को हुन् त्यो भने सिफारिस हुँदासम्म कुर्नुपर्नेछ।

सहसचिवको लिखित परीक्षामा खडानन्द अधिकारी, गोकुल बाँस्तोला, डिजन भट्टराई, तीर्थराज राई, पूर्णिमा उपाध्याय, मानबहादुर बम, रेशमलाल कँडेल, विजय राना, सुरेन्द्र थापा मगर र हिरालाल भण्डारी उत्तीर्ण भएका छन्। अधिकारी, बाँस्तोला, बम र भण्डारी लेखा समूहका उपसचिव हुन्।