९० प्रतिशत खोप धनी र उच्च-मध्यम आय भएका देशमा खपत

‘भारतलगायतका देशमा नयाँ वेभलाई नियन्त्रण गर्न कठिन परिरहेको छ’ उनले भने । संक्रमण रोक्ने एक मात्र उपाय विश्वका सबैलाई खोप दिनु नै रहेको एड्स हेल्थ केयर फाउन्डेसनको भनाइ छ । अहिलेसम्मको तथ्यांकले उत्पादन भएकोमध्ये ९० प्रतिशत (७ करोड) खोप धनी र उच्च–मध्यम आय भएका देशमा गएको देखाएको छ । न्यून आय भएका देशहरूले जम्मा शून्य दशमलव २ प्रतिशत मात्र प्राप्त गरिरहेका उनले जानकारी दिए ।

कोभिड–१९ को संक्रमणलाई रोक्नका लागि एएचपीले सबैलाई खोप (भ्याक्सिनेट आवर वर्ल्ड) अभियान थालेको छ । यसका लागि धनी मुलुकहरूको संगठन जी ट्वान्टी र विश्वव्यापी वित्तीय संस्थाहरूलाई आफ्नो योगदान वृद्धि गर्न आग्रह गरिरहेको छ । त्यसको साथै, धनी राष्ट्रहरूले विकास गरेका खोपमा प्याटेन्ट अधिकार छोड्न र खोपको उत्पादनलाई दु्रत बनाउन भनेको छ । एएचपीले संसारका सबै साढे ७ अर्ब मानिसलाई खोप लगाउने अभियानमा सबै देश, व्यक्ति र संस्था एक भएर लाग्न आह्वान गरेको छ ।

धनी र गरिब सबैलाई बराबर रूपमा खोपको पहुँच पुर्‍याउनका लागि उत्पादन वृद्धि थाल्नुपर्ने आवश्यकतामा जोड दिएको छ । यो अभियानअन्तर्गत संसारका विभिन्न सहरहरूमा कार्यक्रमको आयोजना गरिसकेको छ । बैंकक, नैरोबी, अबुजा, जोहानेसबर्ग, लन्डन, साओ पाउलो र वासिङ्टन डिसीमा अभियानले कार्यक्रम गरिसकेको छ ।  #साभार