टीकाको दिन नेपाल प्रहरीको निःशुल्क बस सञ्चालनमा आउने 

काठमाडौं। विजदशमी (टीकाको दिन) नेपाल प्रहरीको निःशुल्क बस सञ्चालनमा आउने भएको छ। नेपाल प्रहरीले बडा दशैंको अवसरमा काठमाडौँ उपत्यकामा सर्वसाधारणको सुविधालाई मध्यनजर गर्दै उनीहरूको आवागमनका सहज बनाउनका लागि निःशुल्क बस सेवा सञ्चालन गरेको हो। प्रहरीले तीन वटा रूटमा यही कार्तिक ३ र ४ गते तीन वटा रुटमा उक्त सेवा सञ्चालन गरेको हो। टीकाको दिन उक्त बसले विशेष राहत दिनेछ।

रूट नम्बर १ अनुसार नक्सालबाट सुरू भई बालुवाटार, टिचिङ, चक्रपथ, नयाँ बसपार्क, बालाजु, स्वयम्भू, कलंकी, बल्खु, सातदोबाटो, लगनखेल, जावलाखेल, थापाथली, माईतीघर, पुतलीसडक, कृष्णपाउरोटी, जयनेपाल हल हुँदै पुनः नक्सालसम्म बस सञ्चालन गरिनेछ।

रूट नम्बर २ नक्सालबाट सुरू भई रत्नपार्क, बानेश्वर, कोटेश्वर, सल्लाघारी, सूर्यविनायक चोक हुँदै कोटेश्वर, एयरपोर्ट, गौशाला, चाबहिल, सुकेधारा, चक्रपथ, टिचिङ, बालुवाटार हुँदै पुनः नक्सालमा फर्किनेछ। साथै, रूट नम्बर ३ नक्सालबाट सुरू भई सोह्रखुट्टे, बालाजुचोक, नयाँबसपार्क, नारायणगोपाल चोक चक्रपथ, सुकेधारा, गौशाला, एयरपोर्ट, कोटेश्वर, सातदोबाटो, एकान्तकुना, बल्खु, कलंकी, नयाँबसपार्क, चक्रपथ, महाराजगंज हुँदै पुनः नक्सालमा फर्किनेछ।

निःशुल्क बस सेवाले विशेषगरी सार्वजनिक यातायातको अभावमा रहेका यात्रुलाई ठूलो राहत मिल्नेछ । यो सेवा टीकाको दिन बिहान ८ बजेबाट पहिलो सिफ्ट र दोस्रो सिफ्ट दिउँसो ३ः३० बजेबाट सुरु हुनेछ।